"Тоттенхэм" 2024 йилнинг июн ойи охиригача бўлган давр учун молиявий ҳисоботини эълон қилди. Лондон клуби раҳбари Даниэль Леви харажатлар ҳақида гапирди.

"Дунёдаги энг бой клублар орасида тўққизинчи ўринда эканимизни ҳисобга олсак, кўпроқ маблағ сарфлаш ҳақидаги чақириқларни тез-тез эшитаман. Бироқ, молиявий кўрсаткичларга чуқурроқ назар ташласак, харажатлар узоқ муддатда барқарор бўлиши ва операцион даромадимиз доирасида бўлиши кераклигини кўрсатади. Бизда мавжуд бўлмаган нарсани сарфлай олмаймиз ва клубнинг молиявий барқарорлигига раҳна солмаймиз", - деди Леви.

"Тоттенхэм" айни дамда Англия Премьер-лигаси турнир жадвалида 14-ўринни эгаллаб турибди.