"Тоттенхэм" қишки трансфер ойнасида Ришарлисон бўйича таклифни рад этди. "Фламенго" ўз жамоасида футболчини кўрмоқчи эди.

Mail Sport хабарига кўра, бразилиялик клуб 16 миллион фунт стерлинг (19 миллион евро) тўлашга тайёр бўлиб, ижара варианти ҳам кўриб чиқилмоқда эди. "Шпорлар" рад жавобини бериб, икки баравар кўп пул сўрашди.

27 ёшли форварднинг ўзи ҳам ватанига қайтишни истамади, чунки у бу ҳолатда келажакда яна Европада ўйнаш қийин бўлишига ишонган.

Ришарлисон жорий мавсум 14 та ўйинда 3 та гол ва 1 та голли узатмага муаллифлик қилди.