Американинг МЛС лигаси ҳужумчи Лионель Мессининг қўриқчиси Ясин Чеукога ўйин вақтида футбол майдонига югуришни тақиқлашга қарор қилди, деб хабар бермоқда Bolavip.
Манбанинг хабар беришича, бундай тақиқ қўшимча ёрдам талаб этмайдиган ҳар бир стадионда хавфсизлик мавжудлиги сабаб бўлган. Мухлислар ўз кумири билан суратга тушиш учун майдонга отилиб чиқишганидан кейин Мессининг тансоқчиси диққат марказида бўлаётган эди.
"Менга энди майдонга тушишга рухсат йўқ. Мен Европада етти йил давомида, Лига 1 ва Чемпионлар лигасида ишладим. Бу вақт ичида майдонга бор-йўғи 6 киши майдонаг югурди. АҚШга келганимдан бери бор-йўғи 20 ой ичида 16 марта уриниш бўлди.
Бу ерда катта муаммо бор. Муаммо менда эмас. Леога ёрдам бераман", - дея Чеуко сўзларини келтиради манба.
Эслатиб ўтамиз, Чуеко Ироқ ва Афғонистонда жанговар тажрибага эга бўлган АҚШ армияси махсус кучларининг собиқ аскари, жанг санъатларини яхши билади ва бир неча ММА жангларида қатнашган.
