Лондоннинг "Челси" клуби бош мураббийи Энцо Мареска жамоасининг кучи ва келажаги ҳақида гапирди.

Италиялик мураббий учун "кўклар" етакчилигидаги дебют мавсум ўзгарувчан муваффақият билан ўтмоқда: ажойиб старт пасайиш билан алмашди ва ҳозирда лондонликлар Премьер-лига турнир жадвалида тўртинчи ўринни эгаллаб турибди.

"Бу ерга келганимнинг бошиданоқ бу жамоа ғалаба қозониш учун етарли даражада эканлигига амин бўлдим. Менда ҳеч қандай шубҳа йўқки, бир кун келиб - ўйиндан-ўйинга, ойдан-ойга, мавсумдан-мавсумга - биз АПЛнинг энг яхши клубларига яқинлашамиз, ҳозирги орадаги фарқни қисқартирамиз," - дея Маресканинг сўзларини келтиради "Челси" матбуот хизмати.