"Лестер" бош мураббийи Руд ван Нистелрой "Манчестер Сити"га (0:2) қарши ўйиндаги муваффақиятсизликдан кейин ўз фикрлари билан ўртоқлашди.
"Тулкилар" 2-дақиқадаёқ гол ўтказиб юборган бўлса, 29-дақиқада майдон эгалари фарқни иккитага оширди. Қолган вақтда томошабинлар гол кўришмади. Меҳмонлар "шаҳарликлар" дарвозасига атиги 2 та зарба йўллаб, бирорта ҳам аниқ зарба йўллай олмади.
"Биз сифатлироқ ўйин бўлишига умид қилгандик. Кўпроқ шиддат кутдим. "Манчестер Сити" тўлиқ устунлик қилди, рақибга дастлабки голлар катта ёрдам берди. Навбатдаги мағлубият, навбатдаги голсиз ўйин. Ҳаммамиз учун оғир вазият. Фақат олдинга юриш керак," - деди ван Нистелрой BBC билан суҳбатда.
