"Ливерпуль" "Барселона"нинг 26 ёшли марказий ҳимоячиси Рональд Араухога қизиқишда давом этяпти, уни мерсисайдликлар келаси ёзда клуб билан шартномаси ниҳоясига етадиган 33 ёшли Виржил ван Дейкнинг ўрнини эгаллаши мумкин деб ҳисоблайди. Бу ҳақда Relevo хабар бермоқда.
Манбага кўра, Араухонинг ўтган январ ойида Каталония клуби билан имзоланган янги меҳнат шартномасида товон пули 65-75 миллион еврони ташкил этади. Айни пайтда "Барселона" "Ливерпуль" вингери Луис Диасга қизиқиш билдирмоқда. Колумбиялик футболчи Араухони сотиб олиш бўйича келишувнинг бир қисмига айланиши мумкин.
Жорий мавсумда ҳимоячи барча мусобақаларда 15 та учрашувда иштирок этиб, иккита гол ва иккита голли узатмага муаллифлик қилган.
