"Барселона" бош мураббийи Ханс-Дитер Флик "Атлетик" вингери Нико Уильямс трансфери масаласида ўз позициясини маълум қилди.

Каталония гранди ўтган ёздаёқ футболчини ўз сафига қўшиб олишга уринган, аммо ўшанда ҳам келишувни муваффақиятли якунлай олмаган эди. Яқинлашиб келаётган трансферлар даврида Уильямс учун Европанинг топ-клублари ўртасида кураш авж олиши кутилмоқда ва яна "Барселона" даъвогарлар қаторидан жой олмоқда. Diario Sport нашрининг янгиланган маълумотига кўра, Флик "Атлетик"нинг 22 ёшли юлдузи билан музокараларни қайта бошлашга розилик берган. Тез орада клуб футболчи билан алоқага чиқади.

Нико Уильямснинг шартномасида товон пули кўрсатилган - тахминан 60 млн евро. Испаниялик футболчига "Бавария" ва "Арсенал" клублари ҳам қизиқиш билдирмоқда.