"Ливерпуль" ҳужумчиси Муҳаммад Салоҳ клуб билан янги шартнома тузишга тайёр.

Мисрлик футболчининг амалдаги шартномаси мавсум якунлангач ўз ниҳоясига етади. Томонлар ҳамкорликни давом эттиришдан манфаатдор, бироқ ҳозирча битимнинг молиявий тафсилотларини ҳал қилишмаган. Журналист Саша Тавольерининг ёзишича, 32 ёшли футболчига узоқроқ шартнома таклиф қилинса, маоши бироз қисқаришига рози бўлади. Ҳужумчи яқин келажакда кетишни режалаштирмаяпти - у Саудия Арабистонидан келадиган катта таклифларни ҳам рад этиши кутилмоқда.

Муҳаммад Салоҳ 2017 йилдан буён "Ливерпуль" шарафини ҳимоя қилиб келмоқда. Жорий мавсумда у Арне Слот жамоаси сафида 45 та жангда 32 та гол ва 22 та голли узатмани амалга оширди.