Чап қанот ҳимоячиси Ферлан Менди ва ярим ҳимоячи Дани Себальос "Реал"га Чемпионлар Лигаси 1/4 финалидан ўрин олган Лондоннинг "Арсенал" клубига қарши жавоб учрашувида ёрдам бермайди.
Сешанба куни "қаймоқранглилар" биринчи ўйинда "канонирлар"га йирик ҳисобда ютқазди (0:3). Дастлаб, француз ва испаниялик футболчи Мадриддаги ўйингача жароҳатларини тузатишга улгуриши тахмин қилинган эди, аммо энди бундай сценарий деярли истисно қилинган, деб ёзади Diario AS. Эслатиб ўтамиз, "Арсенал"га қарши "Сантьяго Бернабеу"даги баҳс келаси чоршанба, 16 апрель куни бўлиб ўтади.
Ферлан Менди март ойининг ўрталаридан, Дани Себальос эса февраль ойининг охиридан буён майдонга тушмаяпти.
