Хавьер Клементе "Реал Мадрид" ҳужумчилари ҳимояда ўйнашга ўргатилмаганлигини айтди.

Мадридликлар Чемпионлар лигаси чорак финалининг илк учрашувида Лондонда “Арсенал”дан йирик ҳисобда мағлубиятга учради (0:3). Жавоб ўйини 16 апрель куни Испанияда бўлиб ўтади.

"Мадридликлар жамоа сифатида ҳимояланишни кеч бошлайди. Ҳужумкор ўйинчилар пастга тушмаса, ярим ҳимоячилар қийналади ва охир-оқибат бутун гуруҳ парчаланади.

Винисиус, Мбаппе ва Родриго бунга тайёрланмагани кўриниб турибди, бу сезиларли. Агар улар ҳимояланмасалар, ҳеч қандай тизим ишламайди.

Ҳужумчилар ҳимояда ёрдам бермаса, ярим ҳимоячилар жуда заиф бўлиб қолишади ва агар ярим ҳимоячилар заиф бўлса, ҳимоячилар ҳам қийналади.

Аммо Мадридда ўйин олдидан ички ишонч борки, ҳатто вазият оғир бўлса ҳам, улар ҳар доим бирор нарсага эриша оладилар", деди "Атлетик", "Атлетико" ва Испания терма жамоаси собиқ бош мураббийи Клементе.