"Барселона" клуби президенти Жоан Лапорта Чемпионлар лигаси чорак финалидан ўрин олган "Боруссия" Дортмундга қарши жавоб ўйини ҳақида гапирди.
"Кўк-анорранглилар" биринчи ўйинда "асаларилар"ни 4:0 ҳисобида мағлуб этиб, ярим финал йўлланмасини деярли нақд қилишганди. Жавоб ўйини сешанба куни Дортмундда бўлиб ўтади.
"Эртанги ўйин жуда муҳим. Биз ғалаба қозониб, Чемпионлар Лигасига сигнал бермоқчимиз - ўзимиз ким эканлигимизни билдирмоқчимиз. Биз дам олишимиз мумкинлиги ҳақидаги гапларни эшитдим. Йўқ. Бизнинг вазифамиз - яна ғалаба қозониш.
Жамоа ва мураббий ўта диққатни жамлаган, хотиржамлик йўқ. Рақиб ҳурматга лойиқ, биз максимум кўрсатишимиз керак. Футбол тарихида ҳар хил воқеалар бўлган," - дея Лапортанинг сўзларини келтиради Barca Universal.
