"Арсенал" "Брентфорд"нинг 23 ёшли марказий ҳимоячиси Натан Коллинзни диққат билан кузатиб бормоқда. Бу ҳақда TBR Football хабар берди.

Манбага кўра, "канонирлар" Ирландия Республикаси терма жамоаси футболчисини катта пул эвазига бошқа клубларга сотиб юборилиши мумкин бўлган Уильям Салиба ва Габриэль Магальяйнснинг ўрнини босувчи футболчи сифатида кўрмоқда.

Коллинз жорий мавсумда барча турнирларда 36 та ўйин ўтказиб, 2 та гол урди ва 4 та голли узатмани амалга оширди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган.