"Барселона" бош мураббийи Ханс-Дитер Флик ўз футболчиларига Испания кубогида ғалаба қозонса, уни нишонлашни тақиқлашга қарор қилди. Бу ҳақда Mundo Deportivo нашри хабар бермоқда.
Бундай қарорга келинишига сабаб, Испания кубоги финалидан бир неча кун ўтиб, каталонияликлар Чемпионлар лигасида Миланнинг "Интер" клуби билан ўйнаши керак бўлади, дея аниқлик киритади манба.
Эслатиб ўтамиз, "Барселона" миллий кубок финалида Мадриднинг "Реал" клубига қарши баҳс олиб боради. Жамоалар ўртасидаги баҳс 26 апрель куни бўлиб ўтади.













