Мадриднинг "Атлетико" клуби ярим ҳимоячиси Коке "Лас-Пальмас"дан учралган мағлубиятдан сўнг (0:1) ўз фикрларини билдириб ўтди.
Ла Лиганинг 32-туридан ўрин олган ўйиндаги ягона гол 93-дақиқада Хави Муньос томонидан киритилди.
"Улар омад умидида ҳаракат қилишди ва бу голга олиб келди. Бизга аниқлик етишмади, гарчи биринчи бўлимда вазиятлар яратган бўлсак-да, "Лас-Пальмас" дарвозабони бир нечта ажойиб сэйвларни амалга оширди. Биз чемпионликка деярли эришиб бўлмаслигини биламиз, аммо ишлашда давом этишимиз керак," - дея Кокенинг сўзларини келтиради Atletico Universe.
