"Манчестер Юнайтед" "Астон Вилла" билан футболчиларини алмаштиришга тайёр. Бирмингемликлар қишда "қизил иблислар"дан Маркус Рэшфордни ижарага олишди. Битим мавсум охиригача мўлжалланган ва сотиб олиш имкониятини назарда тутади, бироқ "Вилла" бу имкониятни фаоллаштирадими ёки йўқми, ҳозирча номаълум.
Football Transfers хабарига кўра, "Манчестер Юнайтед" "Вилла"га Рэшфордни форвард Олли Уоткинсга алмаштиришни таклиф қилиши мумкин. Transfermarkt портали ҳар икки футболчининг нархини 50 млн еврога баҳоламоқда.
Рэшфорд Унаи Эмери жамоаси сафида 16 та ўйинда 3 та гол ва 6 та голли узатмани амалга оширган. Уоткинс 48 ўйинда 16 та гол урди ва 13 та голли узатмани амалга оширди.
