"Ливерпуль"нинг собиқ ҳимоячиси Маркус Баббель "Ливерпуль" ҳужумчиси Дарвин Нуньесни Мюнхеннинг "Бавария" клуби форварди Харри Кейнга алмаштиришни таклиф қилди.
Мутахассис агар клуб ёзда Нуньесни сотишга қарор қилса, "қизиллар"га Кейнни АПЛга қайтаришни маслаҳат берди.
"Агар "Ливерпуль" ёзда Нуньесни сотмоқчи бўлса ва ҳақиқатан ҳам топ ҳужумчини қўлга киритишни истаса, унда Харри Кейнга эътибор қаратиши керак," - дея Баббелнинг сўзларини келтиради Liverpool Echo.
Нуньес жорий мавсум клублар ўртасидаги барча турнирларда 42 та ўйинда майдонга тушиб, 7 та гол урди ва шунча голли узатмани амалга оширди.
