"Тоттенхэм"нинг ўнг қанот ҳимоячиси Педро Порро турли Европа чемпионатларидаги учта гранд жамоа қизиқишлари доирасига тушиб қолди.

Испаниялик футболчига "Манчестер Сити" даъвогарлик қилмоқда, бу ҳақда аввалроқ хабар берилганди. 25 ёшли футболчи учун "шаҳарликлар" билан курашишни "Бавария" ва "Ювентус" режалаштирмоқда, дея хабар бермоқда инглиз ОАВ. Маълумки, "шпорлар" футболчи учун тахминан 60 млн евро сўрамоқда.

Педро Порронинг трансфер нархи Transfermarkt портали томонидан 45 млн еврога баҳоланмоқда. Футболчи лондонликлар билан 2028 йилнинг ёзигача мўлжалланган шартномага эга. У жорий мавсумда Анге Постекоглу жамоаси сафида 46 та ўйинда майдонга тушиб, 3 та гол ва 8 та голли узатмага муаллифлик қилган.