Машҳур собиқ футболчи Эммануэль Пети 40 ёшли Криштиану Роналдунинг Португалия терма жамоасидаги ўйинлари ҳақида гапирди.
Петининг фикрича, мураббий баъзида тажрибали форвардни захира ўриндиғида қолдиришга тўғри келади.
"Мураббий Роналдуни асосий таркибга қўймасликдан қўрқмаслиги керак. Роналдуга баъзида захирадан майдонга тушгани у учун маъқулроқ экани, у ҳар бир ўйинда асосий таркибда майдонга туша олмаслигини айтиш учун жасоратга эга бўлишингиз керак.
Лекин Роналду ўз эгоси билан баъзан захира ўриндиғида ўтиргиси келмайди. Унинг учун кучли мураббий керак", - деди Пети.
