"Манчестер Сити" ярим ҳимоячиси Кевин де Брюйне клублар ўртасидаги жаҳон чемпионатида иштирок этишни режалаштирмаяпти.

Турнир июнь-июль ойларида бўлиб ўтади. Хабарингиз бор, бельгиялик футболчининг ёзда тугайдиган шартномаси узайтирилмайди - у эркин агентга айланади. Журналист Жереми Кросснинг маълум қилишича, хавбек жароҳат олиш хавфидан қочиш учун клублар ўртасидаги жаҳон чемпионатида Хосеп Гвардиола жамоаси шарафини ҳимоя қилмоқчи эмас. Футболчининг фикрича, жароҳат унинг бошқа клублар билан музокараларини бузиши мумкин. Катта эҳтимол билан у "Сити"даги сўнгги ўйинини 25 май куни ўтказади, ўшанда жамоа АПЛнинг сўнгги турида "Фулхэм"га қарши майдонга тушади.

Де Брюйне "Манчестер Сити"дагилар унинг қарорига тўғри муносабатда бўлишларига умид қилмоқда.