Ярим ҳимоячи Жоб Беллингем 2024/2025 йилги мавсумда Чемпионшипнинг энг яхши ёш футболчиси деб топилди. Бу ҳақда "Сандерленд" расмий сайти хабар бермоқда.
Чемпионшипнинг 39 ўйинида 19 ёшли Беллингем тўртта гол урди ва шерикларига учта голли узатмани амалга оширди. "Сандерленд" чемпионат тугашига бир тур қолганида плей-офф йўлланмасини қўлга киритди ва у ерда Премьер-лигага кўтарилиш учун кураш олиб боради.
Жоб Беллингем - "Реал" юлдузи Жуд Беллингемнинг укаси. Яқин келажакда Жоб янада нуфузли клубга ўтиши кутилмоқда.
Transfermarkt портали кичик Беллингемни 22 миллион еврога баҳоламоқда.
