Миланнинг “Интер” клуби “Лилль” ҳужумчиси Жонатан Дэвидга асосий даъвогар бўлиб турибди.
Канадалик футболчи жорий мавсум якунлангач, эркин агентга айланади.
TeamTalk хабарига кўра, “нерадзуррилар” 25 ёшли ҳужумчи учун курашда бошқа клублардан олдинда.
Италия гранди футболчига йилига 4,5 миллион евро маош билан беш йиллик шартнома таклиф қилди.
Жонатан Дэвид жорий мавсум “Лилль” сафида 46 та ўйинда майдонга тушиб, 25 та гол урди ва 11 та голли узатмани амалга оширди.













