"Барселона"нинг собиқ ҳимоячиси Жерар Пике Чемпионлар лигаси доирасида каталонияликларнинг "Интер"га қарши баҳси ҳақида гапирди.

"Менимча, "Барселона" кўпроқ фаворит. "Интер" яхши ўйин ўтказмоқда, аммо улар сўнгги ўйинларда муаммоларга дуч келишди, "Барселона" ҳам яхши ўйнамоқда ва Испания кубогини қўлга киритди. Биз иккита ажойиб жамоа ўртасидаги жангни кўрамиз", - деди Пике Barca Universal билан суҳбатда.

"Барселона"нинг треблни ютиш имкониятларини шарҳлар экан, Пике шундай жавоб қайтарди: "Нега йўқ? Жамоа кучли, ғайратли ёш футболчилардан иборат ва мухлислар уларни қўллаб-қувватламоқда. Умид қиламанки, улар биздан кўра кўпроқ чемпионликни қўлга киритишади, чунки улар ўзларини ажойиб ўйинчилар сифатида кўрсатишмоқда" - дея қўшимча қилди Пике.

"Барселона" ва "Интер" ўртасидаги Чемпионлар лигасининг биринчи ярим финал учрашуви бугун кечқурун Тошкент вақти билан 23:59да бошланади.