Мадриднинг “Реал” клуби ёзги трансфер ойнасини режалаштиришда давом этмоқда.
Мавсум ҳали якунига етмаган, аммо ёзда клубни жиддий ўзгаришлар кутаётгани аллақачон маълум: катта эҳтимол билан бош мураббий Карло Анчелотти кетади, бир қатор футболчиларга чиқиш эшиклари кўрсатилади, уларнинг ўрнига янгилари билан шартнома имзоланади.
Marca хабарига кўра, "Реал Мадрид" юқори савияли марказий ярим ҳимоячи сотиб олишни зарур деб ҳисобламоқда. Гап аввал Тони Кроос сингари жамоа ўйинини бошқара оладиган техник қобилиятли ярим ҳимоячи ҳақида кетмоқда.
Клуб Ла Лиганинг 33-туридан кейин иккинчи ўринда бормоқда. Якшанба куни Карло Анчелотти жамоаси ўз майдонида "Сельта"ни қабул қилади.
