2-май, жума куни Англия терма жамоаси ва “Манчестер Юнайтед”нинг собиқ ярим ҳимоячиси Дэвид Бекхэм ўзининг туғилган кунини нишонламоқда. Дэвид 50 ёшга тўлди. “Қизил иблислар” матбуот хизмати афсонани юбилей билан табриклади.
"Бекс, 50 ёшинг муборак", - дейилади "Манчестер Юнайтед"нинг ижтимоий тармоқлардаги хабарида.
Эслатиб ўтамиз, Дэвид 1993 йилдан 2003 йилгача манкунианликлар шарафини ҳимоя қилган. Умуман олганда, ярим ҳимоячи "Манчестер Юнайтед" сафида 394 та ўйин ўтказиб, 85 та гол урган ва 121 та голга ассистентлик қилган.
