"Борнмут" бош мураббийи Андони Ираола Дин Хейсен, Милош Керкез ва Антуан Семеньо каби юлдузларига катта клубларнинг қизиқишидан хавотирда эмаслигини айтди.
"Борнмут" жуда ёрқин мавсумни ўтказмоқда, еврокубоклар йўлланмаси учун курашмоқда ва Ираола жамоасининг бир қанча юлдузлари топ-клублар назарига тушди.
Бироқ, Ираола буни муаммо деб ҳисобламайди ва "Борнмут" ким биландир хайрлашса, ҳаракат қилишга тайёрлигига ишонади.
"Ўйлайманки, олдинги йиллардагидан фарқи йўқ, айниқса, жамоа яхши ишлаётганида. Ўтган мавсум бизда ҳам шундай бўлди. Биз баъзи футболчилар билан нима бўлишини билмасдик. Ллойд Келлини, кейин эса Доминик Соланкени йўқотдик.
Биз бу ёзда нима бўлишини билмаймиз, биз ҳали ҳам бор эътиборимизни бошқа нарсаларга қаратганмиз, лекин ҳозир бу футболчиларнинг барчаси бизники ва ҳеч нарса содир бўлмаса, кейинги мавсумда ҳам бизники бўлиб қолишади. Шунинг учун бу ёз аввалгиларидан фарқ қилмайди деб ўйлайман.
Биз таркибни яхшилашга ва иложи бўлса ўйинчиларни қўшишга эътибор қаратамиз ва агар яхши таклиф тушса ва баъзи ўйинчиларни қўйиб юборсак, биз бу вазиятларга тайёр бўлишимиз керак. Бу барча клублар, айниқса унчалик юқори даражада бўлмаган клублар ўрганиши керак бўлган нарса", - деди Ираола нашрига.
