Миланнинг "Интер" клуби бош мураббийи ёрдамчиси Массимилиано Фаррис А Серия чемпионлик пойгасидаги вазият ҳақида берилган саволга жавоб қайтарди.
Шанба куни "Наполи" "Лечче"ни минимал ҳисобда мағлуб этган бўлса, бироз ўтиб "Интер" худди шу ҳисобда "Верона"ни таслим этди. Антонио Конте жамоаси финишга 3 тур қолганида "нерадзуррилар"ни 3 очкога ортда қолдириб, пешқадамликни давом эттирмоқда.
"Энди тўп "Наполи"да. Бугун юқори ўрин учун курашни давом эттириш учун яхши ўйин ўтказиб, ғалаба қозонишни истадик. Скудетто пойгасининг тақдири энди ўзимизга боғлиқ эмас, аммо "Наполи" қоқилса, бунга тайёр туришимиз керак," - дея Симоне Индзагининг ёрдамчиси Фарриснинг сўзларини келтиради "Интер" матбуот хизмати.
