Миланнинг "Интер" клубида Симоне Индзагининг ёрдамчиси бўлиб ишлаётган Массимилиано Фаррис ҳужумчи Лаутаро Мартинеснинг ҳолати ҳақида гапирди.
Аргентиналик футболчи шанба куни бўлиб ўтган А Серия доирасидаги "Верона"га қарши ўйинда "Барселона"га қарши Чемпионлар Лигаси ярим финал дастлабки баҳсида олган жароҳати туфайли майдонга тушмади.
"Нерадзуррилар"нинг чемпионатдаги ғалабали ўйини (1:0) якунлангач, журналистлар Фаррисдан каталонияликлар билан жавоб ўйинида сардорнинг майдонга тушиши қанчалик ҳақиқатга яқинлигини сўрашди.
"Мен Лаутаро "Барселона" билан ўйнашдан кўра, ўйнамаслигини айтган бўлардим," - деди Индзагининг ёрдамчиси матбуот анжуманида.
