Англияниг «Ливерпуль» клуби ҳужумчиси Луис Суарес Мадриднинг «Реал»ига ўтиш имкониятлари борасида гапириб ўтди.

«Агар мен «Реал» таркибида тўп сурганимда, ҳар бир учрашувда бор кучим билан ҳаракат қилган бўлардим. Мен терма жамоада ҳам, «Аякс» ва «Ливерпуль» таркибида ҳам айнан шу ишни қилганман. Ҳеч қачон ҳакамнинг сўнгги ҳуштагига қадар тўхтаб қолмаганман».

«Мени «Реал» билан ҳеч қандай келишувим йўқ. Шартномам «Ливерпуль» билан боғлиқ. Мени «Ливерпуль»нинг ҳар доим Европа клублари мусобақалардан четда қолиб кетаётганидан ташвишга солмоқда холос».

«Ҳар бир футболчи юқори чўққида бўлишни истайди. Мадриднинг «Реал» клуби эса бу чўққининг энг тепасида туради. Аммо «Ливерпуль»да баъзи қийинчиликларга дуч келган бўлсамда, қизим «Ливерпуль» мадҳиясини куйлашини кўрганимда ўзимни бахтиёр ҳис қиламан», дея Суареснинг сўзларидан иқтибос келтирмоқда «El Pais» нашри.