Лондоннинг "Арсенал" клуби Лиссабоннинг "Спортинг" клуби ҳужумчиси Виктор Дьёкереш учун расмий трансфер таклифини тайёрламоқда.
26 ёшли футболчи анчадан буён "канонирлар"нинг яқин трансферлар давридаги асосий мақсадларидан бири сифатида кўрилмоқда. El Nacional нашри маълумотига кўра, тез орада Лондон гранди юлдуз швециялик учун 60 млн евро атрофида маблағ таклиф қилади. Бу ҳам етарли бўлмаса керак: "Спортинг" ҳужумчига бўлган юқори талабни билгани учун 100 млн еврога яқин маблағ сўрамоқда, дейди манба.
Аввалроқ, "шерлар" Дьёкереш учун тахминан 70 млн евро талаб қилаётгани ҳақида хабарлар тарқалган эди. Футболчининг ҳисобида жорий мавсумда лиссабонликлар сафида 49 та ўйинда 52 та гол ва 12 та голли узатма бор.
