Александер Чеферин Италиядаги футбол стадионлари билан боғлиқ вазиятни танқид қилди.
"Менимча, Италия футбол инфратузилмаси шармандалик. Сиз энг йирик футбол давлатларидан бирисиз, кўплаб жаҳон чемпионатларида, Европа чемпионатларида, Чемпионлар лигасида ғалаба қозонгансиз. Ва шу билан бирга, йирик давлатлар орасида сизда энг ёмон инфратузилма мавжуд.
Ростини айтсам, инфратузилма ҳақидаги италянча мунозаралардан бироз чарчадим, чунки биз кўраётган нарса шунчаки сўзлар. Умид қиламанки, Италия бирор нарса қилади. Клублар ҳукумат, муниципалитетлар, шунингдек, хусусий инвесторларнинг ёрдамига муҳтож. Ҳаракат қилиш вақти келди, чунки вазият оғир", деди УEФА президенти Александер Чеферин.
