Чемпионлар Лигаси ярим финал жавоб учрашувида “Барселона” ва “Интер” ўртасидаги баҳс (танаффус 0:2, умумий ҳисоб – 3:3) давомида каталонияликлар пенальти талаб қилди.
Учрашувнинг 25-дақиқасида Педри рақиб жарима майдонида Дани Ольмо томонга пастдан узатма амалга оширди. Италиялик ҳимоячи Франческо Ачерби сўнгги палладаги ҳаракат билан тўпни тўсди, аммо тўп унинг оёғидан сўнг қўлига теккандай бўлди.
Бироқ бош ҳакам Шимон Марчиньяк пенальти тайинламади. VAR тизими вазиятни қайта кўриб чиқди ва ҳакам қарорига қўшилди.
“Менимча, тўп унинг (Ачербининг) ўз оёғидан сўнг қўлга теккан. Бу ерда ҳеч қандай қоидабузарлик йўқ”, — деди собиқ ҳакам Эдуардо Итурральде Гонсалес Carrusel эфирида.
