Миланнинг "Интер" клуби собиқ футболчиси Стефан Дальма "Олтин тўп" учун курашда кимни фаворит деб ҳисоблаш кераклиги ҳақида фикр билдирди.
Эслатиб ўтамиз, футбол бўйича бош индивидуал совринга асосий даъвогарлар қаторида Испания терма жамоасига Евро-2024да олтин келтирган Ламин Ямал ва "Интер" ҳамда Аргентина терма жамоаси сафида муваффақиятли иштирок этаётган Лаутаро Мартинес ҳам бор.
"Соф истеъдод ҳақида гапирадиган бўлсам, "Барселона"дан Ямални танлаган бўлардим. Аммо барча мезонларни ҳисобга олсак, унда Лаутаро Мартинес ғалаба қозонади," - дея Дальманинг сўзларини келтиради derbyderbyderby.it.
Ўтган йили "Олтин тўп"ни испаниялик Родри олган эди.













