Англиянинг "Ньюкасл" клуби Испания ёшлар терма жамоаси аъзоси Антонио Кордерани трансфер қилиш бўйича музокараларни якунлади. Бу ҳақда Newcastle World нашри хабар бермоқда.
Манбага кўра, "қарғалар" 18 ёшли вингер учун курашда "Реал" ва "Барселона"ни ортда қолдирган. Футболчи янги клубига эркин агент сифатида ўтиши керак, томонлар кичик расмиятчиликларни ҳал қилишлари керак, шундан сўнг шартнома имзолангани расман тасдиқланади.
Ҳозирда Кордера Испания Сегундасининг "Малага" жамоаси шарафини ҳимоя қилмоқда. Жорий мавсумда Кордера барча мусобақаларда 36 та ўйинда майдонга тушиб, 6 та гол урди ва 7 та голли узатмани амалга оширди.
