Франциялик ҳужумчи Антуан Гризманн Мадриднинг "Атлетико" клубини тарк этиб, фаолиятини океан ортида давом эттириши мумкин. 34 ёшли ҳужумчида МЛС клубига ўтиш варианти бор.

Todofichajes портали хабарига кўра, Гризманни "Лос-Анжелес" ўз сафига қўшиб олиши мумкин. Бу клубда Антуан ҳамюртлари - дарвозабон Уго Льорис ва марказий ҳужумчи Оливье Жиру билан бирлашиши мумкин.

Гризманнинг "матрасчилар" билан амалдаги шартномаси 2026 йилнинг июнь ойи охирида якунига этади. Transfermarkt портали французнинг бозор нархини 22 миллион еврога баҳоламоқда.

Антуан жорий мавсум Ла Лигада 34 та ўйинда майдонга тушиб, 8 та гол урди ва 6 та голли узатмани амалга оширди.