Бирлашган Араб Амирликларининг Фужайра шаҳрида старт олган кадетлар ўртасидаги Жаҳон чемпионатининг илк куни Ўзбекистон терма жамоаси учун муваффақиятли ўтди.
Константин Ли бошчилигидаги термамизнинг 37 кг вазн тоифасидаги аъзоси Султонбек Набиев финалга қадар етиб бориб, ҳал қилувчи беллашувда сербиялик Давид Кукич билан баҳс олиб борди. Қувончлиси, олтин медал йўлида кечган беллашувда ҳам Султонбекнинг қўли баланд келди — 2:1 (11:0/3:8/13:5). Спортчимиз турнир доирасида бешта жанг ўтказиб, уларнинг барчасида ўзининг ишончли ғалабалари билан хурсанд қилди ва якунда дунё биринчилигининг олтин медалига эга чиқди.
Шундай қилиб, Султонбек Набиев терма жамоамиз ҳисобига кадетлар ўртасидаги Жаҳон чемпионатининг илк кунида олтин медални тақдим этди.
