"Манчестер Юнайтед" агар Европа лигасида ғолиб чиқса, Лиам Делапнинг ўтишига ишонади.
Бу ҳақда журналист Бен Жейкобс хабар берди.
Айни дамда "Ипсвич" ҳужумчисига энг кўп "Манчестер Юнайтед" ва "Челси" қизиқиш билдирмоқда. Қайд этилишича, бу трансферга "Манчестер Юнайтед" қизиқиш билдирган - Делап клубнинг форвард позициясидаги асосий мақсади ҳисобланади. "Челси" ҳужумни кучайтириш учун бир нечта вариантни кўриб чиқмоқда ва "Ипсвич" ҳужумчиси "кўклар" бош мураббийи Энцо Марескага яхши таниш.
Делап қарор қабул қилиш учун мавсум охиригача кутмоқда, аммо ҳужумчи 21 ёшгача бўлган футболчилар ўртасидаги Европа чемпионати олдидан келажагини ҳал қилмоқчи. "Ипсвич" Премьер-лигадан тушиб кетганидан кейин 22 ёшли футболчининг товон пули 30 миллион еврони ташкил қилади.













