"Лос-Анжелес" "Бавария"нинг ҳужумкор ярим ҳимоячиси Томас Мюллерга қизиқиш билдирмоқда, дея хабар беради инсайдер Николо Скира ўзининг ижтимоий тармоқларида. Олдинроқ, немис футболчиси мавсум якунида мюнхенликлар клубини тарк этишини маълум қилганди.
Манбанинг хабарига кўра, 35 ёшли футболчига Европанинг номи ошкор этилмаган иккита клубидан ҳам таклиф бор.
Мюллер ҳали ҳам келажаги ҳақида ўйламоқда. Иккита вариант бор - ўйнашни давом эттириш ёки фаолиятни тугатиш.
Томас "Бавария" тарбияланувчиси саналади. У клубда 25 йилни ўтказди. Жорий мавсумда футболчи барча мусобақаларда 43 та ўйинда майдонга тушиб, 6 та гол урди ва 6 та голли узатмани амалга оширди.
