"Los-Anjeles" "Bavariya"ning hujumkor yarim himoyachisi Tomas Myullerga qiziqish bildirmoqda, deya xabar beradi insayder Nikolo Skira o‘zining ijtimoiy tarmoqlarida. Oldinroq, nemis futbolchisi mavsum yakunida myunxenliklar klubini tark etishini ma’lum qilgandi.

Manbaning xabariga ko‘ra, 35 yoshli futbolchiga Yevropaning nomi oshkor etilmagan ikkita klubidan ham taklif bor.

Myuller hali ham kelajagi haqida o‘ylamoqda. Ikkita variant bor - o‘ynashni davom ettirish yoki faoliyatni tugatish.

Tomas "Bavariya" tarbiyalanuvchisi sanaladi. U klubda 25 yilni o‘tkazdi. Joriy mavsumda futbolchi barcha musobaqalarda 43 ta o‘yinda maydonga tushib, 6 ta gol urdi va 6 ta golli uzatmani amalga oshirdi.