"Арсенал" ҳимоячи Уильям Салибага янги шартнома таклиф қилмоқчи.
Журналист Фабрицио Романонинг сўзларига кўра, Салибага "Реал" жиддий қизиқиш билдирмоқда.
Бироқ, "Арсенал" Салиба билан хайрлашишдан манфаатдор эмас ва 24 ёшли франциялик футболчининг келажаги ҳақидаги тахминларга тез орада барҳам беришга умид қилмоқда.
Салибанинг амалдаги шартномаси икки йилдан кейин тугайди, аммо "Арсенал" Уильямга ҳафтасига 190 000 фунт стерлинг миқдоридаги маошини сезиларли даражада оширган ҳолда янги узоқ муддатли шартнома таклиф қилади.
"Арсенал" аллақачон Салибанинг вакиллари билан музокараларни бошлаб юборган ва келишувга эришишга ишончи комил, чунки Уильям Лондон клубида бахтли.













