"Барселона" ёзда кучайтирмоқчи бўлган позициялар маълум бўлди.
ESPN нашри хабарига кўра, Каталония клуби яқинлашиб келаётган трансфер ойнасида марказий ҳимоячи, қанот ҳимоячиси ва вингер сотиб олмоқчи. "Кўк-анорранглилар" янги трансферларни амалга ошириш учун баъзи футболчиларни сотиши кутилмоқда.
Клуб спорт директори Деку ва унинг жамоаси ёзда бўладиган пул миқдорига қараб ҳар бир позицияни кучайтириш учун бир нечта режалар ишлаб чиқди. Айни дамда "Барселона"да аниқ номзодлар йўқ, аммо каталонияликлар аввалроқ қизиқиш билдираётган Маркус Рэшфорд, Луис Диас ёки Нико Уильямс каби футболчиларни сотиб олиш имкониятини кўриб чиқиши мумкин.
