"Манчестер Юнайтед" Лиссабоннинг "Спортинг" клуби ҳужумчиси Виктор Дьёкереш трансфери учун кураш олиб бориши қийин бўлади.
"Қизил иблислар" Лондоннинг "Арсенал" клуби билан бир қаторда 26 ёшли швециялик тўпурарга асосий даъвогар сифатида тилга олинган эди. Footmercato хабарига кўра, "МЮ" раҳбарияти Чемпионлар лигасига йўлланма олиш Дьёкерешни Манчестерга кўчиб ўтишга кўндиришига умид қилган, аммо Рубен Аморим жамоаси Европа Лигаси финалида "Тоттенхэм"га имкониятни бой бериб, еврокубоклар йўлланмасидан қуруқ қолганди. Энди футболчи учун курашда "Арсенал"нинг имконияти анча кўпроқ.
"Манчестер Юнайтед" финишга бир тур қолганида Англия чемпионати жадвалида 16-ўринни эгаллаб турибди. "Арсенал" - иккинчи.
