Хорватия терма жамоаси бош мураббийи Златко Далич Лука Модричнинг "Сантьяго Бернабеу"даги хайрлашув ўйинига ташриф буюрди.
39 ёшли ярим ҳимоячи "қаймоқранглилар" сафини эркин агент сифатида тарк этади. Шанба куни хорватиялик "Реал Сосьедад"ни мағлуб этишга ёрдам берди (2:0), шундан сўнг Мадрид гранди мухлислари билан хайрлашди.
"Бундай воқеага гувоҳ бўлиш мен учун шараф эди. "Реал" ўз тарихидаги энг совриндор футболчи билан хайрлашди. Лука учун бу осон эмас, аммо у ҳар доимгидек уддалайди," - дея Даличнинг сўзларини келтиради Madrid Universal.













