"Ливерпуль" бош мураббийи Арне Слот клуб етакчиларидан бири - Трент Александр-Арнольд билан хайрлашгани ҳақида фикр билдирди.
АПЛнинг 38-туридан ўрин олган "Кристал Пэлас"га (1:1) қарши ўйиндан сўнг 26 ёшли ҳимоячи "Энфилд" билан узил-кесил хайрлашиб, жамоани эркин агент сифатида тарк этди.
"Ўйлайманки, бу оқшом унга қанчалик оғир бўлганини ҳамма кўрди. Ва бу жуда яхши - клуб кетиш қийин бўлган муҳитни яратади. Биз ўйинчилар меҳрни, тегишлиликни, уйни ҳис қилишларини хоҳлаймиз. Бугун Трент кетди, лекин у чиройли, ҳурмат ва кўз ёшлари билан кетди. Бу у ҳақида ҳам, биз ҳақимизда ҳам кўп нарсани англатади," - деди Слот клуб сайтига берган интервьюсида.
