"Барселона" марказий ҳимоячиси Рональд Араухо жамоадаги ҳолати ҳақида гапирди.
Уругвайлик футболчи Ханс-Дитер Флик қўл остида "кўк-анорранглилар"нинг асосий таркибида доимий ўринга эга эмас. Шунингдек, 26 ёшли футболчи кўпинча қаттиқ танқидлар қурбонига айланади - масалан, Чемпионлар Лигасида "Интер"дан мағлубиятдан кейин.
"Мен дунёнинг энг яхши клубларидан бирида ўйнайман. Мен сардорлардан бириман, мураббий менга ишонади. Олдинда жуда кўп яхши нарсалар бор.
Доим ўйнашни истардим - ўйнамаганимда ўзимга бўлган ишончни йўқотаман, лекин бу футбол. "Барса"даги ҳолатимдан хотиржамман. Мен етук футболчиман, ўзимни жисмонан яхши ҳис қиламан ва формада бўлганимда ҳар ким билан рақобатлаша олишимни биламан. Танқидлар мени қизиқтирмайди - менга барибир," - дея Араухонинг сўзларини келтиради Barca Universal.
Эслатиб ўтамиз, январь ойида ҳимоячи "Барселона" билан шартномасини 2031 йилгача узайтирган эди.
