"Ювентус"нинг ярим ҳимоячи Уэстон Маккенни билан янги шартнома бўйича музокаралари боши берк кўчага кириб қолди.

Бир ой олдин "кекса сеньора" техник директори Кристиано Жунтоли футболчининг вакиллари билан шартнома шартларини келишиб олганди - битим 2028 йилгача мўлжалланган ва маошни оширишни назарда тутади. Шунга қарамай, журналист Николо Скиранинг маълум қилишича, айни дамда музокаралар музлатилган. Клуб раҳбарияти агентлик тўловларини жуда юқори деб ҳисоблади, шунинг учун муҳокамаларни тўхтатди.

Уэстон Маккенни "Ювентус" билан амалдаги шартномаси 2026 йилда ўз ниҳоясига етади. Ўтган мавсумда хавбек "бьянконерилар" сафида 44 та ўйинда 5 та гол урди ва 4 та голли узатмани амалга оширди.