"Тоттенхэм" ҳужумчиси Сон Хён Мин Саудия Арабистони клублари эътиборини тортди. Бу ҳақда The Sun нашри хабар берди.
Саудия клубларининг фикрича, Лондон жамоаси билан Европа лигасида ғалаба қозониш футболчи фаолиятидаги инглиз босқичининг якуни бўлиши мумкин. Миш-мишларга кўра, португалиялик ҳужумчи Криштиану Роналду "Ан-Наср"ни тарк этишга яқин турибди, Саудия лигаси ўз брендини йўқотмаслик учун янги юлдуз қидирмоқда. "Шпорлар" футболчиси бу вазифани бажариши мумкин. Олдинроқ бу контекстда "Ливерпуль" ҳужумчиси Муҳаммад Салоҳ тилга олинди, аммо у "мерсисайдликлар" билан шартномасини узайтирди, шунинг учун ҳозирча бу масала ёпиқ.
Сон 2015 йилдан буён "Тоттенхэм"да ўйнаб келмоқда. Ўтган клуб мавсумида футболчи 46та ўйинда 11та гол урган ва 12та голга ассистентлик қилган.













