«Зенит» ярим ҳимоячиси Игор Денисов Маҳачқалъанинг «Анжи» жамоасига ўтиши деярли аниқ бўлди. Футболчи бугун тиббий кўрикдан ўтди.
Россия терма жамоасининг 29 ёшли футболчиси «Анжи» билан 4 йиллик шартнома имзолайди, деб ёзади Bobsoccer.ru. Келишувнинг эртагача амалга оширилиши кутилмоқда. Шартнома шахсан Сулаймон Каримов иштирокида матбуот анжуманида имзоланади.
Шартномада қўшимча бонусларнинг бўлиши ҳам таъкидланган.
Аввалроқ бу трансфер «Анжи»га 12 миллион еврога тушгани маълум қилинган эди.













