Марк-Андре тер Штеген кейинги мавсумда "Барселона"да қолишини айтди.

Мумкин бўлган кетиш ҳақидаги миш-мишлар ҳақида:

"Ҳеч ким мен билан гаплашмади. Биламан, келаси йили "Барселона"да бўламан. "Барселона" энг катта клублардан бири, рақобат нормал ҳолат. Мен учун вазият ўзгармайди.

Келгуси мавсумни жуда ёш, динамик ва ғайратли жамоа билан ўтказишдан жуда хурсандман. Биз буни бу йил кўрдик. Энди эса тўпланган тажрибамиз билан бундан-да кўпроқ муваффақиятларга эришамиз деган умиддаман”.

Бош мураббий Ханси Флик билан муносабатлари ҳақида:

"Охирги кунларда гаплашмадик ва ҳозир буни қилиш учун ҳеч қандай сабаб кўрмаяпман. Муҳокама қилинадиган аниқ вазият йўқ.

Тўғри эсимда, келаси мавсумда иккита дарвозабонимиз бўлади: Иньяки Пеня ва мен. Рақобат борлиги нормал ҳолат. Ким келса, ҳар доимгидек, "Барселона"да бўлгани каби рақобат қилишига тўғри келади", деди каталонияликлар дарвозабони.