"Барселона" ҳужумчиси Роберт Левандовски "кўк-анорранглилар" лагерида унинг ўрнини ким эгаллаши кераклиги ҳақида жавоб берди.
Эслатиб ўтамиз, польякнинг Ханс-Дитер Флик жамоаси билан шартномаси келаси ёзда якунига етади.
"Бу жуда мураккаб мавзу. Тасаввур қилайлик, клубда пул билан боғлиқ муаммо йўқ ва исталган ўйинчи билан шартнома имзолай олади.
Мен сўнгги пайтларда 2-3 мавсум савиясини сақлаб қолган, 40 дан ортиқ гол урган футболчиларни кўрмадим.
Ҳозир буни уддалай оладиган футболчини топиш жуда қийин", - дея Левандовскининг сўзларини келтиради Barca Universal.
