14 ёшли футболчи Франциянинг Мериньяк шаҳрида бўлиб ўтган ёшлар турнирида рақиб билан тўқнашувдан кейин олган жароҳатлари натижасида вафот этди.
Бу ҳақда Sud Ouest газетаси хабар берди.
Воқеа 1 июнь, якшанба куни содир бўлган.
Иланн исмли ўсмир рақиби билан тўқнашиб кетганидан кейин кўкрак қафасидаги оғриқлардан шикоят қилган ва ҳушини йўқотган. У зудлик билан Бордо университети касалхонасига етказилган, у ерда йигит комага тушиб, юрак ҳуружи натижасида жон берган.
Касалхонада футболчи жигаридан ички қон кетиши туфайли бир неча марта жарроҳлик амалиётини бошдан кечирди, аммо охир-оқибат шифокорлар ёш беморнинг ҳаётини сақлаб қола олмади ва у икки кундан кейин вафот этди.
